Aurora – Nagsagawa ng Revitalized PNP KASIMBAYANAN o Kapulisan, Simbahan at Pamayanan ang 2nd Provincial Mobile Force Company, Aurora PNP sa mga mag-aaral ng Dinadiawan Day Care Center sa Brgy. Dinadiawan, Dipaculao, Aurora nito lamang Miyerkules, ika-1 ng Pebrero 2023.
Ang naturang aktibidad ay sa ilalim ng pangangasiwa ni Police Major Jeffrey Onde, Acting Force Commander ng 2nd Provincial Mobile Force Company ng Aurora Police Provincial Office katuwang si Pastor Victor Silan, Faith Based Adviser.
Nagbahagi si Pastor Silan ng salita ng Panginoon mula sa bibliya at sabay-sabay na nanalangin ang mga bata.
Samantala, nagbigay kaalaman din ang mga awtoridad sa kahalagahan sa pagsunod sa mga ipinatutupad na batas.
Patuloy ang Aurora PNP sa pakikipag-ugnayan sa simbahan at pamayanan tungo sa pagkamit ng kaunlaran sa ating bayan.
Source: 2nd PMFC, Aurora PPO
Panulat ni Police Corporal Jeselle Rivera/RPCADU3
