Aurora – Nagsagawa ng Revitalized PNP KASIMBAYANAN ang 2nd Provincial Mobile Force Company, Aurora PNP sa mga katutubo na residente ng Sitio Mainit Brgy. Tinib, Casiguran, Aurora nito lamang Linggo, ika-15 ng Enero 2023.
Ang naturang aktibidad ay pinangunahan ni Police Major Jeffrey Onde, Acting Force Commander ng 2nd Provincial Mobile Force Company ng Aurora Police Provincial Office kasama si Pastor Maryjean Prado ng Indigenous Christian Church.
Ito ay dinaluhan ng mga mag-aaral na katutubong Dumagat bilang pagkakaisa sa programa ng pamahalaan.
Nagkaroon din ng pagtuturo ang Aurora PNP sa mga katutubo kung paano magbasa at magsulat.
Ito ay kaugnay sa peace at security framework ng Pambansang Pulisya ang Malasakit, Kaayusan, Kapayapaan tungo sa Kaunlaran.
Source: 2nd PMFC, Aurora PPO
Panulat ni Police Corporal Jeselle Rivera/RPCADU 3
