Camp BGen Vicente Lim – Inilunsad ng Police Regional Office 4A ang Revitalized PNP KASIMBAYANAN o (KApulisan, SIMbahan at pamaYANAN) kasabay ng pagdaraos ng Traditional Monday Flag Raising Ceremony sa Bigkis-Lahi Event Center, Camp BGen Vicente Lim, Calamba City, Laguna nito lamang Lunes, Oktubre 3, 2022.
Ang aktibidad ay pinangunahan ni Police Brigadier General Jose Melencio Nartatez Jr., PRO CALABARZON Regional Director, na dinaluhan ni Engr. Ariel Iglesia ng Department of Interior and Local Government, Regional Director 4A bilang Guest of Honor and Speaker, mga kinatawan mula sa iba’t ibang religious sectors, mga sektor ng pamayanan at mga tauhan ng Police Regional Office 4A.
Ang Revitalized PNP KASIMBAYANAN ay binubuo ng nagkakaisa at nagtutulungang Kapulisan, Simbahan at Pamayanan na may layuning pagyamanin at suportahan ang kasalukuyang PNP peace and security framework na M+K+K=K o ang Malasakit, Kaayusan, Kapayapaan tungo sa Kaunlaran.
Nagsagawa ng Pledge of Commitment at Ceremonial Signing bilang pagpapatunay ng pagkakaisa ng iba’t ibang sektor at sinundan ng pagkabit ng KASIMBAYANAN pin.
Bukod dito, bawat religious sectors ay taos-pusong nagpahayag ng buong suporta sa programa ng PRO 4A at nagkaroon ng pamimigay ng Certificate of Appreciation.
Samantala, nagsagawa din ng open forum para lalo pang maunawaan ng bawat isa ang layunin na palakasin ang ugnayan at pagkakaisa ng Kapulisan, Simbahan at Pamayanan sa pagpapanatili ng ligtas, maayos at mapayapang komunidad.
Panulat ni Police Staff Sergeant Donabel Dulin
