Hungduan, Ifugao – Inilunsad ng Hungduan Municipal Police Station ang Revitalized PNP KASIMBAYANAN o Kapulisan, Simbahan, at Pamayanan sa Hungduan Municipal Gymnasium, Namugong, Poblacion, Hungduan, Ifugao nito lamang Oktubre 17, 2022.
Ang aktibidad ay pinangunahan ni Police Lieutenant Dennis Binwag, Officer-In-Charge, Hungduan Municipal Police Station katuwang ang mga religious sectors, Bureau of Fire Protection, Local Government Unit Hungduan, at Municipal Local Government Operations Office at iba’t ibang mga stakeholders.
Naging tampok sa aktibidad ang Ceremonial Signing ng Pledge of Commitment na sinundan ng pamamahagi ng KASIMBAYANAN pin sa mga dumalo.
Ang KASIMBAYANAN ay isa sa programa ng Pambansang Pulisya na naglalayong palakasin ang ugnayan at pagkakaisa ng Kapulisan, Simbahan, at Pamayanan na siyang susi upang malabanan ang kriminalidad, insurhensya, at terorismo at mapanatili ang kaayusan at katahimikan sa pamayanan.
Source: Hungduan Municipal Police Station
