Laguna – Nagsagawa ng Revitalized PNP KASIMBAYANAN o Kapulisan, Simbahan at Pamayanan, Bisita Eskwela at Pre-Valentine’s Day Outreach Program ang Laguna PNP sa Minayutan Elementary School, Brgy. Minayutan, Famy, Laguna ganap na 11:00 ng umaga nito lamang Lunes, Pebrero 13, 2023.
Ang aktibidad ay pinangunahan ni Police Colonel Randy Glenn Silvio, Acting Provincial Director ng Laguna Police Provincial Office katuwang sina Dr. Noel Fuelgeras, School Principal, Brgy. Chairman Rio Ortega, Pastor John Efren Clabita, Community Adviser.
Namahagi ang grupo ng panalangin at kaalaman patungkol sa Types of Touch, Safe Touch, Unsafe Touch and Confusing Touch at Rights of Children.
Namigay din ng flyers at babasahin patungkol sa Anti-Rape Tips, school supplies, slippers, dalawang kahon ng coupon bond, at hygiene kits, feeding program at libreng gupit sa mga mag-aaral at mga Barangay Kagawad.
Nagpahayag ng pasasalamat ang punong guro at mga guro ng naturang paaralan sa pagpili sa kanila bilang benepisyaryo ng programa at sa walang patid na suporta ng PNP at barangay sa pagpapanatili ng kapayapaan at kaayusan.
Samantala, binigyang-diin naman ni PCol Silvio ang kahalagahan ng edukasyon sa mga mag-aaral at ang mga programa ng Laguna PNP sa mga pampublikong paaralan para mapabuti ang serbisyo at mapanatili na maunlad at maayos ang komunidad.
Panulat ni PEMS Joe Peter Cabugon/RPCADU4A
