Zambales – Nagsagawa ng Revitalized PNP KASIMBAYANAN o Kapulisan, Simbahan at Pamayanan at “Buhay Ingatan, Droga’y Ayawan” o BIDA Program ang San Antonio PNP sa mga residente ng Brgy. San Esteban, San Antonio, Zambales nito lamang Martes, ika-14 ng Pebrero 2023.
Pinamunuan ito ni Police Major Noel Sitjar, Acting Chief of Police ng San Antonio Municipal Police Station kasama si Pastor Alan Estinopo, KASIMBAYANAN Adviser.
Pinangunahan ni Pastor Estinopo, ang pagbabahagi sa nilalaman ng Bibliya patungkol sa pag-ibig at pamilya.
Samantala, nagbigay kaalaman din ang San Antonio PNP sa mga ipinatutupad na batas gaya ng pangangampanya laban sa ilegal na droga kaugnay sa BIDA Program.
Layunin ng mga nasabing programa ang magkaisa ang Kapulisan, Simbahan at Pamayanan tungo sa Kaunlaran.
Source: San Antonio Municipal Police Station
Panulat ni Police Corporal Jeselle Rivera/RPCADU3
