Nagkaisa ang Kapulisan, Simbahan at Pamayanan (KASIMBAYANAN) upang isagawa ang Feeding Program na ginanap sa Gymnasium ng Barangay Casitan, Pamplona, Cagayan noong ika-30 ng Setyembre taong kasalukuyan.
Layon ng naturang aktibidad na palakasin ang pagkakaisa ng Pulisya, Religious sector at ang komunidad upang mahubog ang bawat isa na maging maka-Diyos, may pagpapahalaga sa pamilya kasabay ng pagseserbisyo at pakikipagkapwa-tao.
Dagdag nito, nais din ng programa na magtulong-tulong ang bawat sector ng lipunan tungo sa maayos, tahimik at maunlad na bayan.
Naging matagumpay ang aktibidad dahil sa suporta ng mga opisyal ng barangay, religious groups, Kabataan Konta Droga at Terorismo members at iba pang stakeholders.
Pinasalamatan naman ni Police Major Jose L Cabaddu Jr, Hepe ng Pamplona Police Station ang lahat ng tumulong at nakiisa sa tagumpay ng bawat aktibidad ng istasyon.
Magpapatuloy ang pagsisilbi at pagseserbisyo publiko ng buong hanay ng Pambansang Pulisya tungo sa maayos at progresibong pamayanan.
Source: Pamplona PS
Panulat ni Police Corporal Carla Mae P Canapi
