Butuan City – Arestado ang isang retiradong sundalo sa ikinasang operasyon kontra ilegal na baril ng PNP Criminal Investigation and Detection Group (CIDG) sa harapan ng Caraga State University, Brgy. Ampayon, Butuan City nito lamang Sabado, Pebrero 4, 2023.
Kinilala ni Police Colonel Cholijun Caduyac, Regional Chief ng CIDG-Caraga, ang naaresto na si alyas “Saint”, 65, residente ng Purok 3, Brgy. Taguibo, Butuan City.
Ayon kay PCol Caduyac, bandang 7:30 ng gabi nang isagawa ang operasyon ng mga operatiba ng CIDG-Agusan del Norte Provincial Field Unit katuwang ang Butuan City Police Station-4 sa ilalim ng Oplan Paglalansag Omega.
Nakumpiska sa suspek ang isang ARMSCOR caliber .45 pistol, dalawang magazine, at walong live ammunition; isang Magnum caliber .22 revolver at apat na bala; isang piraso ng Php500 bill bilang marked money; 56 piraso ng Php500 bill bilang boodle money; isang gray na Infinix cellphone; isang brown na sling-bag; at puting kotse na Honda Civic LXI.
Nahaharap ang suspek sa kasong paglabag sa RA 10591 o Comprehensive Firearms and Ammunition Regulations Act.
Panulat ni Patrolman Jhunel Cadapan/RPCADU13
