Nagsagawa ng rescue, relief and clearing operations ang Apayao PNP sa iba’t ibang bayan ng Apayao nito lamang ika-7 at 8 ng Nobyembre 2024.
Ayon kay Police Colonel Arnold D Razote, Provincial Director ng Apayao Police Provincial Office, patuloy ang pagsasagawa ng mga kapulisan sa rescue, relief and clearing operations katuwang ang Municipal Disaster Risk Reduction and Management Office, Bureau of Fire Protection mga opisyal ng Barangay at mga boluntaryong residente.
Patuloy ang pagsasagawa ng relief and rescue operation habang nananalasa ang bagyo, inilakas ang mga residenteng nasa landslide at flashflood prone areas para ilagay sa evacuation centers.
Nakiisa din ang mga kapulisan sa pagdidiskarga at pagbibigay ng mga relief goods sa mga residente na apektado ng nasabing bagyo.
Nagsagawa din ng clearing operations sa pamamagitan ng pagtanggal ng mga naputol na kahoy sa daan at natumba na posteng nakaharang sa daan.
Ito ay patunay na ang Pambansang Pulisya ay handang tumulong sa kahit anong sitwasyon para sa kaligtasan at seguridad ng mga mamamayan dahil sa Bagong Pilipinas, ang Gusto ng Pulis, Ligats ang komunidad sa panahon ng sakuna.
