Tarlac – Nagsagawa ng Rescue Operation ang Camiling PNP sa mga residente na apektado ng baha sa Brgy. Libueg, Camiling, Tarlac nito lamang Biyernes, ika-28 ng Hulyo 2023.
Ang naturang operasyon na pinamunuan ni Police Lieutenant Colonel Fritz Laurente Tabula, Chief of Police ng Camiling Municipal Police Station, kasama ang Philippine Army at Municipal Disaster Risk Reduction Office ng Camiling.
Sa walang tigil na ulan dulot ng bagyong “Egay”, bumaha sa naturang lugar kaya naman inilikas ng mga awtoridad ang mga pamilyang lubog ang kabahayan sa baha at dinala sa Evacuation Center ang mga nailikas na residente.
Sinisiguro ng Tarlac PNP ang kaligtasan ng bawat mamamayan at laging handang tumulong sa anumang sakuna o kalamidad na hahagupit sa kanilang nasasakupan.
Source: Tarlac Police Provincial Office
Panulat ni PCpl Jeselle V Rivera
