Nagsagawa ng Rescue at Assistance Operation ang mga kapulisan ng Occidental Mindoro Maritime Police Station sa mga pamilyang na-istranded sa baha sa Sitio Lumintao, Barangay Malawaan, Rizal, Occidental Mindoro nito lamang ika-14 ng Setyembre 2024.
Ang naturang operasyon ay pinamunuan ni Patrolman Jason R Edrosolo, sa ilalim ng pangangasiwa ni Police Major Marlon C Millendez, Station Chief katuwang ang mga miyembro ng PCG Occidental Mindoro, BFP Rizal, PDRRRMO at MDRRMO Rizal.
Sa pagsasagawa ng nasabing rescue operation, umabot sa 15 pamilya na may kabuuang 56 na indibidwal ang nailigtas at pansamantalang dinala sa Malawaan Elementary School, Barangay Malawaan, Municipality of Rizal, Occidental Mindoro para sa pansamantalang tirahan at masisilungan.
Ang pangyayaring ito ay salamin lamang na walang pag-aalinlangan na serbisyo at malasakit ng kapulisan at ibang ahensya ng pamahalaan para sa kapakanan ng taong bayan. Pagkakaisa at malasakit ang daan sa isang bagong Pilipinas na ang kagustuhan ng kapulisan ay ang kaligtasan ng bawat mamamayan.
Source: Occidental Mindoro MARPSTA
Panulat ni Patrolwoman Ana Rose D Guadaña
