Nagsagawa ng rescue and clearing operations ang mga kapulisan ng Ifugao sa iba’t ibang bayan ng Ifugao noong ika-17 hanggang ika-18 ng Nobyembre 2024.
Ayon kay Police Colonel Marvin S Diplat, Provincial Director ng Ifugao Police Provincial Office, patuloy ang pagsasagawa ng mga kapulisan ng rescue, relief, at clearing operations katuwang ang Municipal Disaster Risk Reduction and Management Office, Bureau of Fire Protection, mga opisyal ng barangay, at mga boluntaryong residente.
Patuloy ang pagsasagawa ng relief and rescue operations ng Ifugao cops habang nananalasa ang bagyo. Inilikas ang mga residenteng nasa landslide at flash flood-prone areas patungo sa mga evacuation centers.
Nakiisa din ang PNP sa pagdidiskarga at pagbibigay ng mga relief goods sa mga residenteng apektado ng nasabing bagyo.
Nagsagawa rin ng clearing operations sa pamamagitan ng pagtanggal ng mga naputol na kahoy na nakaharang sa daan.
Ito ay patunay na ang Pambansang Pulisya ay handang tumulong sa kahit anong sitwasyon para sa kaligtasan at seguridad ng mga mamamayan. Sa Bagong Pilipinas, ang nais ng pulis ay ligtas ang komunidad sa panahon ng sakuna.
