Misamis Occidental – Walang humpay ang pagsasagawa ng relief operations ng mga tauhan ng Misamis Occidental Police Provincial Office sa naapektuhan ng baha dulot ng Shear Line sa kanilang nasasakupan nito lamang Linggo, Enero 1, 2023.
Ang relief operations ay pinangunahan ni Police Colonel Marlon Quinmo, Acting Provincial Director ng Misamis Occidental Police Provincial Office at katuwang ang iba’t ibang ahensya ng gobyerno at pribadong sektor.
Ang mga naturang grupo ay tulong-tulong sa paghahanda at paghahatid ng relief goods para sa mga pamilya na labis na naapektuhan ng baha.
Patuloy namang nakahanda ang buong hanay ng Police Regional Office 10 sa paghahatid ng serbisyo sa mamamayan na lubhang naapektuhan ng pagbaha dulot ng Shear Line at Northeast Monsoon.
Panulat ni Patrolman Edwin Baris/RPCADU 10
