Bulacan – Naghatid ng tulong ang mga tauhan ng Calumpit PNP sa mga residente na biktima ng baha dulot ng bagyong Egay at Falcon sa Brgy. Bulusan, Calumpit, Bulacan nito lamang Lunes, ika-7 ng Agosto 2023.
Ang naturang operasyon na pinamunuan ni Police Lieutenant Colonel Nelson Sardin, Acting Chief of Police ng Calumpit Municipal Police Station, katuwang ang mga tauhan ng Regional Police Community Affairs and Development Unit 3 sa paghahatid ng tulong.
Umabot sa 500 na relief goods na naglalaman ng bigas, delata, kape at mga noodles ang naipaabot sa mga residente ng nasabing lugar.
Ang mga relief goods na naipamigay sa ating mga kababayan ay mula sa tulong ng Kampo Crame sa katatapos lamang Send-off Ceremony for Typhoon Egay Relief Operations noong Sabado, ika-5 ng Agosto 2023.
Labis ang pasasalamat ng mga residente sa hatid na tulong at malasakit na ibinigay sa kanilang barangay na nalubog sa baha.
Patuloy ang Calumpit PNP sa paghahatid ng serbisyo at sinisiguro ang kaligtasan ng kanilang nasasakupan sa sakuna o kalamidad.
Panulat ni PCpl Jeselle V Rivera
