Tubo, Abra – Nagsagawa ng relief operation ang mga tauhan ng Tubo PNP sa Brgy. Tiempo, Tubo, Abra nito lamang Linggo, Agosto 28, 2022.
Pinangunahan ni Police Senior Master Sergeant Decto Abangoen, sa ilalim ng pamumuno ni Police Lieutenant Limuel Charopeng, Acting Chief of Police ng Tubo Municipal Police Station kasama ang mga tauhan ng Bravo Brave Company, 71st Infantry Battalion, 7th Infantry Division ng Philippine Army at mga Barangay Officials.
Namahagi ang mga naturang grupo ng mga relief goods, mga damit at food packs sa 57 na pamilya na naapektuhan ng nagdaang kalamidad.
Ang mga donasyon na natanggap ng mga benepisyaryo ay mula sa donasyon ni Jaime V Ongpin Foundation Inc.
Ang ating Pambansang Pulisya ay kaagapay ang mga stakeholders na ay patuloy na maghahatid ng serbisyo para sa lahat ng nangangailangan.
Source: Tubo Municipal Police Station
###
