Agarang relief operation ang isinagawa ng mga kapulisan ng Police Regional Office 8 sa mga naapektuhan ng pagbaha sa ilang bayan ng Northern Samar nitong ika-24 ng Nobyembre 2023.
Pinangunahan ni Police Colonel Dionisio Apas, Chief RCADD, sa pamumuno ni Police Brigadier General Reynaldo Pawid, Acting Regional Director, ang aktibidad na binansagang “Handog ng PRO 8 para sa Northern Samar” ang pamamahagi ng relief goods sa humigit-kumulang isang libong pamilya sa bayan ng Catarman at Palapag.
Kasama rin sa pamamahagi ng mga relief goods ay sina Police Colonel Alfredo Tadefa, Provincial Director ng Northern Samar PPO, Police Lieutenant Colonel Joel Nicha, DPDA, NSPPO; Police Lieutenant Colonel Alberto Renomeron Jr, DPDO, NSPPO; Police Captain Mae Ann Erivera, OIC, PCADU; Police Lieutenant Colonel Michael Jude Dotingco, Chief of Police, Catarman MPS; RMFB 8, SAF Tarabucan Calbayog, Maritime Group 8 and RPCADU 8 at lokal na pamahalaan ng Northern Samar.
Isang medical mission din ang isinagawa sa pamamagitan ng Regional Medical and Dental Unit 8 kasama ang 2nd Northern Samar Provincial Mobile Force Company at Revitalized Pulis Sa Barangay-Sangay na may kabuuang 130 na benepisyaryo ang nabigyan ng serbisyong medikal na kinabibilangan ng libreng konsultasyon, pagkuha ng vital signs, pamimigay ng libreng gamot at paglinis ng mga sugat.
Sa panahon ng sakuna o anumang delubyo ang dumating, nariyan ang ating kapulisan handang maglingkod at tumulong lalo na sa oras ng pangangailangan.
