Mambusao, Capiz – Tulong-tulong ang kapulisan ng 2nd Capiz Provincial Mobile Force Company sa pagdidiskarga at pamimigay ng relief goods sa mga nasalanta ni Agaton nitong Huwebes, Abril 14, 2022 sa bayan ng Mambusao, Capiz.
Ang naturang aktibidad ay pinangunahan ni Police Lieutenant Mark Gil Osia, sa ilalim ng pamununo ni Police Lieutenant Colonel Ferjen Torred, kabalikat ang Municipal Disaster Risk Reduction Management Office ng Mambusao.
Tinatayang nasa dalawang truck ng relief goods ang tagumpay na naipamahagi ng ating mga kapulisan sa mga residente na lubos na hinagupit ng bagyo.
Samantala, patuloy pa rin ang ating mga kapulisan sa pagsasagawa ng kaliwa’t kanang rescue at relief operations sa mga biktima ng bagyo sa iba’t ibang bahagi ng kabisayaan.
###
