Aklan – Nagsagawa ng relief operation ang Aklan PNP sa mga nasalanta ng bagyong Paeng sa Barangay Bulwang, Numancia, Aklan nito lamang ika-31 ng Oktubre 2022.
Ang aktibidad ay pinangunahan ng Aklan Police Provincial Office sa direktang pangangasiwa ni Police Colonel Crisaleo Tolentino, Provincial Director, katuwang ang Numancia Municipal Police Station, Aklan Baghay, Inc., Provincial Advisory Group for Police Transformation and Development at Rotary Club.
Matagumpay na naisagawa ang pamamahagi ng food packs at mga damit kasabay ng psychosocial activity sa mga bata, na kung saan, mahigit 25 katao ang naging benepisyaryo ng nasabing programa.
Ang aktibidad ay kaugnay sa PNP peace and security framework ng Pambansang Pulisya na MKK=K o Malasakit, Kaayusan, Kapayapaan tungo sa Kaunlaran, upang mapanatili ang magandang ugnayan ng kapulisan at komunidad.
