City of San Fernando, Pampanga – Namahagi ng relief goods ang mga tauhan ng Regional Mobile Force Battalion 3 sa Barangay. San Nicolas, City of San Fernando, Pampanga nito lamang Miyerkules, May 4, 2022.
Ang aktibidad ay pinamunuan ni Police Colonel Wilson Delos Santos, Force Commander ng RMFB 3 kasama ang kanyang mga tauhan na pinangunahan ni Police Staff Sergeant Charilyn Jumlail, Salaam PNCO.
Ayon kay PCol Delos Santos, labing limang relief goods na naglalaman ng bigas at canned goods ang naipamahagi sa kapatid na Muslim sa nasabing lugar.
Dagdag pa ni PCol Delos Santos, labis ang pasasalamat ng mga kapatid na Muslim sa patuloy na pagpapaabot ng tulong ng PNP lalo na ngayong panahon ng pandemya.
Ang PNP ay patuloy sa pagbibigay ng magandang serbisyo at mapagtibay ang ugnayan sa mga mamamayang Pilipino.
###
Panulat ni PCpl Jeselle V Rivera
