Northern Samar – Arestado ng mga operatiba ng PNP at PDEA 8 ang isang indibidwal na kabilang sa Regional Priority Target sa Brgy. Doña Luisa, Laoang, Northern Samar nitong ika-18 ng Marso 2023.
Kinilala ni Police Major Ricardo Banjawan, Acting Chief of Police ng Laoang Municipal Police Station, ang naaresto na si alyas “George”, 56, residente ng Brgy Guilaoangi, Laoang, Northern Samar at nakalista bilang PDEA HVI/ Regional Priority Target.
Ayon kay PMaj Banjawan, dakong 9:30 ng umaga nang isagawa ang operasyon ng magkasanib na operatiba ng Laoang MPS – Station Drug Enforcement Unit, Northern Samar Provincial Drug Enforcement Unit, at Northern Samar Provincial Intelligence Unit kasama ang PDEA 8- Northern Samar Provincial Office.
Nakumpiska mula sa suspek ang 15 pirasong plastic sachet na naglalaman ng hinihinalang shabu na tumitimbang ng MOL 5 gramo na may tinatayang street value na Php34,000.
Mahaharap ang suspek sa kasong paglabag sa Section 5 at 11 ng RA 9165 o Comprehensive Dangerous Drugs Act of 2002.
Nanawagan naman ang PNP-PDEA 8 sa komunidad na makipagtulungan sa mga otoridad at isuplong ang sinumang nagtutulak ng droga sa bawat barangay para makamit ang kapayapaan at kaayusan tungo sa kaunlaran sa rehiyon.
“Dito sa Region 8, gusto ng Pulis Safe ka!”
