Rizal – Arestado ang Regional Most Wanted Person sa kasong Murder sa operasyon ng Rizal PNP nito lamang Hunyo 15, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Marlon Ariston y Dulay, 41, residente ng Taytay, Rizal.
Ayon kay PCol Baccay, naaresto ang suspek bandang 11:00 ng umaga sa kahabaan ng Blk 29 USA St. Brgy. Sta. Ana, Taytay, Rizal ng pinagsanib puwersa ng Warrant Section ng Taytay Municipal Police Station, Regional Intelligence Unit 4A Provincial Intelligence Team Rizal, 301st SMG, 300AISW, CID-IG at CIDG Rizal sa kasong Murder na walang nirerekomendang piyansa.
Ang Rizal PNP ay hindi magsasawang magserbisyo sa mga nasasakupan para mapanatili ang kaayusan, kapayapaan at masayang pamayanan.
Source: Rizal Police Provincial Office
Panulat ni Police Staff Sergeant Donabel T Dulin
