Nadakip ng mga tauhan ng Lian Municipal Police Station ang Most Wanted Person sa Regional Level sa man-hunt operation dakong 9:25 ng umaga ng Nobyembre 10, 2024 sa Barangay Malaruhatan, Lian, Batangas.
Kinilala ni Police Major Ferdinand B Vergara, Chief of Police, ang naarestong suspek na si alyas “Julius”, 37, ng Barangay Cumba, Lian, Batangas.
Inaresto ang suspek sa bisa ng Warrant of Arrest dahil sa kaso nitong Murder na walang inirekomendang piyansa.
Pinuri naman ni Police Colonel Jacinto R Malinao, Provincial Director, ang pagsisikap ng mga tauhan sa pag-aresto sa nasabing suspek, aniya, “Ang walang sawang pagtutulungan ng Pulis Batangas at ng ating komunidad ay nagbunga ng isang matagumpay na pagkakahuli sa mga nagtatagong pugante. Ito ay magsisilbing tanda para sa mga gumagawa ng anumang labag sa batas na kailanman ang kapulisan ng Batangas ay hindi titigil na labanan ang kriminalidad upang tiyakin ang kaligtasan at katahimikan sa Lalawigan ng Batangas.”
Source: Lian MPS
Panulat ni Pat Maria Sarah P Bernales
