Arestado sa manhunt operation ang Regional Most Wanted Person sa Barangay 1, Lipa City, Batangas dakong alas-8:34 ng umaga nito lamang ika-17 ng Oktubre 2024.
Kinilala ni PLtCol Rix S Villareal, Chief of Police ng Lipa City Component Police Station, ang suspek na si alyas “Jonald”, 28 taong gulang, may live in partner, construction worker, katutubo at residente ng Barangay Anilao Proper, Lipa City, Batangas at nakalista bilang Regional Most Wanted Person.
Ang operasyon ay pinangunahan ng mga tauhan ng Warrant/Intelligence Section ng Lipa Component City Police Station (Lead unit) kasama ang 403rd AMC, RMFB-4A.
Naaresto ang suspek sa bisa ng Warrant of Arrest sa kaso nitong Statutory Rape na walang inirekomendang piyansa.
Bilang bahagi ng pagtugon sa pagbigay hustisya sa mga biktima ng krimen at pagpapanatili ng kaayusan sa Calabarzon, tinitiyak ng pamunuan ng Police Regional Office 4A ang patuloy na operasyon laban sa mga wanted persons sa buong rehiyon.
Source: Lipa CCPS
Panulat ni Pat Maria Sarah P Bernales
