Arestado ang tinaguriang Regional Most Wanted Person sa kasong Rape sa ikinasang paghahain ng Warrant of Arrest ng mga tauhan ng General Santos City Police Station 4 sa kanyang pamamahay sa Barangay Dadiangas West, General Santos City nito lamang ika-16 ng Oktubre 2024.
Kinilala ni Police Brigadier General James E Gulmatico, Officer-In-Charge, ng Police Regional Office 12, ang naarestong suspek na si alyas “Jun-jun”, 27 anyos, walang asawa, delivery boy at residente ng naturang lugar.
Isinagawa ang operasyon ng mga tauhan ng General Santos City Police Station 4, Regional Intelligence Unit 12, Regional Special Operation Group 12 na may bitbit na Warrant of Arrest para sa kasong Rape na walang inirekomendang piyansa.
Sunod sunod ang matagumpay na operasyon ng PNP sa Rehiyon Dose. Nagpapatunay lamang ito na mas pinapaigting ang mga operasyon para sa mas tahimik at ligtas na bansa.
