Arestado ang isang Regional Most Wanted Person sa isinagawang manhunt operation ng Silang PNP sa Barangay Biluso, Silang, Cavite nito lamang ika-01 ng Disyembre 2024.
Kinilala ni Police Colonel Dwight E Alegre, Acting Provincial Director ng Cavite Police Provincial Office, ang suspek na si alyas “Winrek”, 28 taong gulang, reisdente ng Barangay Biluso, Silang, Cavite.
Naaresto ang suspek ng mga tauhan ng Silang Municipal Police Station sa bisa ng Warrant of Arrest para sa kasong Rape na may kaugnayan sa Republic Act 7610 o “Special Protection of Children Against Child Abuse, Exploitation and Discrimination Act” na walang piyansa.
Ang buong kapulisan ng Cavite ay magpapatuloy sa mga operasyon sa pagtugis sa mga nagkasala sa batas ng sa gayon ay mapatawan ng angkop na kaparusahan ang mga ito at mabigyan ng hustisya ang kanilang mga naging biktima.
Source: Rizal Police Provincial Office
Panulat ni Patrolwoman Angelica Rica S Teng
