Arestado sa isinagawang manhunt operation ang Regional Most Wanted Person sa pinagsanib na pwersa ng Batangas at Mindoro PNP sa Barangay Del Razon, Pinamalayan, Oriental Mindoro nito lamang ika-30 ng Hulyo 2024.
Kinilala ni PCpt Rommel P Magno, Officer-In-Charge ng Taal PNP, ang suspek na si alyas “Wowo”, 60 taong gulang, construction worker, nakatala bilang Regional Most Wanted Person at residente ng Barangay Del Razon, Pinamalayan, Oriental Mindoro.
Sa pagtutulungan ng mga tauhan ng Taal MPS at Pinamalayan MPS ay nadakip ang suspek sa bisa ng Warrant of Arrest kaso nitong Rape na walang nirerekomendang piyansa.
Patuloy ang pagtugis ng ating mga kapulisan sa mga Most Wanted Persons upang panagutin ang mga ito sa kanilang mga pagkakasala at bigyan ng hustisya ang kanilang mga biktima. Layunin nito na mapanatili ang kaayusan at kapayapaan tungo sa Bagong Pilipinas.
Source: Taal PNP
Panulat ni Pat Maria Sarah P Bernales
