Cebu City – Napasakamay ng mga awtoridad ang isang lalaking nakatala bilang Regional High Value Individual sa isinagawang buy-bust operation at nakumpiska ang higit Php1.7 milyong halaga ng shabu sa Villalon Drive St., Brgy. Capitol Site, Cebu City noong Hulyo 12, 2023.
Sa pagtutulungan ng mga operatiba ng Regional Police Drug Enforcement Unit at ng Philippine Drug Enforcement Agency Central Visayas, ay nahuli ang suspek na kinilalang si “Hars”, 33, residente ng Brgy. Lahug, Cebu City.
Ayon kay Police Major Joseph Aquino ng RPDEU 7, nasamsam sa suspek ang tinatayang nasa 255 gramo ng hinihinalang shabu na may estimated value na Php1,734,000.
Reklamong paglabag sa RA 9165 o Comprehensive Dangerous Drugs Act of 2002 ang kakaharapin ng suspek.
Patuloy naman ang pagsusulong ng matagumpay at mahusay na kampanya kontra ilegal na droga ng kapulisan at iba pang ahensya na katuwang nito tungo sa pagkamit ng maayos, ligtas, at payapang komunidad.
