Bumisita at nagsagawa ng inspeksyon si Police Brigadier General Antonio P. Marallag, Jr., Police Regional Office 2 Regional Director sa Santiago City Police Office nito lamang ika-10 ng Hunyo 2025.
Sa kanyang pakikipag-usap sa mga miyembro ng kapulisan ng lungsod, pinaalalahanan ni PBGen Marallag ang mga pulis ng Santiago tungkol sa tatlong haligi ng pamumuno ng Hepe ng PNP, kung saan binigyang-diin niya ang kahalagahan ng Swift and Responsive Public Service o Mabilis at Tumutugong Serbisyo Publiko.
Bukod dito, muling iginiit ni PBGen Marallag ang kahalagahan ng kalinisan sa kani-kanilang opisina bilang bahagi ng pagpapakita ng propesyonalismo at disiplina sa hanay ng kapulisan. Ayon sa kanya, ang maayos at malinis na kapaligiran ay sumasalamin sa dedikasyon ng isang pulis sa kanyang tungkulin at sa serbisyong inihahatid sa publiko.
Ang nasabing pagbisita ay bahagi ng patuloy na kampanya ng PRO2 upang tiyakin ang kahandaan, kaayusan, at mataas na moral ng mga kapulisan sa rehiyon.
Source: PRO 2
