Batangas City – Bumisita ang bagong talagang Regional Director ng National Police Commission (NAPOLCOM) 4A sa Batangas Police Provincial Office sa Camp Gen. Miguel C Malvar, Batangas City nito lamang Martes, Agosto 2, 2022.
Pinangunahan ni Police Colonel Glicerio Cansilao, Provincial Director, ang pagbigay pugay at parangal kay Atty. Leonora G. Bartolome, Regional Director, NAPOLCOM 4A.
Ang naturang pagbisita ay bilang bahagi ng mandato ng NAPOLCOM na magsagawa ng administrative control at operational supervision sa CALABARZON PNP upang mas mapabuti ng pulisya ang mga ginagawang crime solutions at crime preventions.
“Napakahalaga ng mga tungkuling ginagampanan ng bawat kapulisan ngunit hindi dapat balewalain ang stress na nararanasan ng mga ito na maaaring magtuloy sa mental illness o depresyon. Kailangan tutukan at pangalagaan ang bawat miyembro ng PNP lalo na ang nasa pinakamababang ranggo na nagsasagawa ng mga police operations nang sa gayon ay makapagtrabaho ang mga ito ng maayos upang mapanatili ang kapayapaan, kaayusan, at katahimikan ng lugar o komunidad,” saad ni Atty Bartolome.
###
Panulat ni Police Executive Master Sergeant Joe Peter Cabugon
