Cebu City – Bilang bahagi ng paghahanda ng kapulisan sa mga sakuna, isang Red Teaming Activity on Disaster Preparedness ang isinagawa sa Cebu City Police Office noong Biyernes, Marso 24, 2023.
Ang aktibidad ay nilahukan ng tinatayang nasa 50 personalidad ng CCPO na mga pawang nagsipagtapos ng Disaster Preparedness, Search Rescue, and Relief Operation Seminar na pinangasiwaan ng mga kasapi ng Red Teaming ng Police Regional Office 7 na pinangunahan ni Police Lieutenant Colonel Carlos Lacuesta.
Sa naturang aktibidad, ay sinuri ang mga Search and Rescue Equipment ng CCPO at muling sinubok ang kakayahan ng mga kalahok sa pagresponde sa mga apektado ng mga sakuna kagaya na lamang ng lindol, sunog, bagyo, at iba pa.
Ayon kay Police Lieutenant Colonel Lacuesta, “We have our red teaming in order to determine the capability of our respective stations at the same time provinces… na ma determine ang mga kakulungan natin sa PNP in terms of search and rescue operations equipment kagaya ng personal protective equipment. Kapag ma-determine natin na may mga kulang tayo, ito yung mga recommendation natin later on na ipapasa sa logistics natin para mabigyan ang mga stations na kulang ang mga SRR equipment.”
Dagdag pa niya, “Dahil dito sa Red Teaming magkakaroon tayo ng mga sariling equipment at the same time magkaroon ng skills and capabilities ang ating mga pulis sa pagresponde sa anumang mga sakuna”.
Ang kaparehong aktibidad ay una ng inilunsad sa iba pang City at Provincial Police Office ng Central Visayas.
