Pormal ng sinampahan ng kasong Rape with Homicide ang suspek sa panggagahasa at pagpatay sa isang pitong (7) taong gulang na batang babae sa Brgy. Mahongkog, Magpet, North Cotabato.
Ang suspek na isang former rebel ay kinilalang si Rogelio Villafuerte Jr., 18 anyos, residente ng Brgy. Balite sa nasabing bayan.
Kung matatandaan, hindi pinangalanan ni Magpet PNP Chief PMaj John Minidel Calinga ang suspek sa unang panayam dito dahil iginigiit nitong menor de edad lang siya, ngunit sa pagsisiyasat ng PNP ay napag-alamang nasa hustong gulang na ito.
“Madalas na ginagamit ng ilang mga suspek na “alibi” ang pagiging menor de edad sa paniniwala nilang mapapawalang sala sila dahil isasailalim lang sa interbensyon,” aniya.
Samantala, lumalabas din sa panibagong imbestigasyon ng PNP na mag-isa lang sa krimen ang nasabing suspek na taliwas sa kanyang pahayag na may isang kasamahan pa ito.
Ayon kay PMaj Calinga, sinusubukan lang ng suspek na ilihis ang kanilang imbestigasyon, na nauna ng umaming impluwensiyado ito sa ipinagbabawal na gamot kaya nagawa ang karumaldumal na krimen.
Sa malalimang pagsisiyasat ng PNP napag-alaman din nilang naiwan ang biktima kasama ang kanyang nakababatang kapatid ng mangyari ang insidente.
Sinuhulan umano ang nakababatang kapatid nito na umalis at doon na isinagawa ng suspek ang kanyang pakay sa biktima.
###
Panulat ni Khnerwin Jay A Medelin
Saludo sa nga alagad ng batas