Leyte – Pinaalalahanan ni Police Brigadier General Vincent Calanoga, Regional Director ng Police Regional Office 8, ang mga bagong graduate ng Basic Internal Security Operations Course (BISOC), nitong Martes, Agosto 1, 2023, laban sa tukso at pagkakasangkot sa pulitika.
May kabuuang 238 BISOC graduates ang hinimok na labanan ang mga uri ng katiwalian, kasama na dito ang pagbabanta at panunuhol, dahil sinisira nito ang tiwala ng publiko sa pulisya.
Sa mensahe ni PBGen Calanoga, “Inaasahan kong buuin at panindigan niyo ang inyong mga prinsipyo. Despite having responsive policies or programs and equipping you with sufficient training, our organization cannot fulfill its mission nor will it stand the threats of infiltration if you are too weak to yield to temptation, coercion, and intimidation”.
“Patunayan niyo na kayo ay karapat-dapat na mapabilang sa organisasyon ng PNP at magsuot ng uniporme na sumisimbolo sa pagiging tagapagtanggol ng karapatang pantao at mga duty bearers”, dagdag niya.
Binigyang-diin din ni PBGen Calanoga sa mga nagtapos ng BISOC ang pagbabawal na humingi ng political intervention sa mga placement at reassignment ng mga tauhan.
“While the organization owes allegiance to the public that we serve, your loyalty is to the organization. Your main focus and responsibility are to work for the PNP, to carry out its mission”, pagdidiin niya.
“Hindi namin kayang mawalan ng pag-asa sa aming misyon na sugpuin ang insurhensiya dahil masasayang nito ang inyong mga sakripisyo sa pagsasanay at ang pagiging malayo sa inyong mga pamilya”, sabi ni PBGen Calanoga.
Ang mga nagtapos ng nasabing specialized course, na naglalayong mahasa ang bisa at kakayahan ng mga tauhan sa Internal Security Operations (ISO), ay ipapakalat sa mga lalawigan ng Samar upang tugunan ang isyu ng insurhensiya sa lugar.
