Santa Maria, Isabela – Pinangunahan ni PBGen Steve Ludan, Regional Director, Police Regional Office 2 ang Ceremonial Unveiling ng Drug-Free Workplace Signage sa Municipal Gymnasium, Poblacion 1, Santa Maria, Isabela nito lamang Hunyo 2, taong kasalukuyan.
Sa programa ay nagbahagi ng pasasalamat si Mayor Hilario G. Pagauitan, ang alkalde ng nabanggit na bayan sa Philippine Drug Enforcement Agency-Isabela, Philippine National Police at sa iba pang ahensya dahil sa matagumpay na pagkamit ng kanilang bayan sa isang Drug-free workplace.
Samantala, pinuri naman ni PBGen Ludan ang alkalde at Santa Maria Police Station sa pamumuno ni Police Major Rogelio Natividad, hepe, dahil sa mahigpit na pagpapatupad ng mga programa upang masugpo ang suliranin sa ilegal na droga sa 19 na barangay ng naturang bayan.
Bukod dito ay nagsagawa ang Department of Health ng Santa Maria at PDEA Isabela ng Mandatory Drug Testing para sa PWUD (Person Who Used Drugs) sa lahat ng barangay.
Dumalo din sa aktibidad sina Police Colonel Julio R Go, Acting Provincial Director, Isabela Police Provincial Office; Rev. Buencamino Mendoza, Parish Priest, mga tauhan ng Bureau of Fire Protection, mga opisyal ng barangay at iba pang stakeholders.
Magpapatuloy ang pakikiisa ng PNP sa iba’t ibang ahensya ng pamahalaan katuwang ang lokal na pamahalaan at ang mga pribadong sektor upang mapagtagumpayan ang laban kontra ilegal na droga sa pamayanan.
Source: Isabela Police provincial Office
###
Panulat ni Police Corporal Carla Mae P Canapi
