Camp Bagong Diwa, Taguig City – Pinangunahan ni National Capital Region Police Office Regional Director, PMGen Felipe Natividad ang Oath-Taking ng mga bagong halal na opisyal ng NCRPO Advocacy Support Groups for Peace nito lamang Biyernes, Hulyo 15, 2022 sa Hinirang Multi-Purpose Hall, Camp Bagong Diwa, Bicutan, Taguig City.
Ang aktibidad ay naging posible sa pamamagitan ng Regional Community Affairs and Development Division (RCADD) sa ilalim ng pangangasiwa ni Police Colonel Romy Palgue, Chief, RCADD.
Binati ni PMGen Natividad ang mga bagong halal na opisyal gayundin ang kanyang pasasalamat sa tulong at suporta ng Advocacy Support Groups (ASG) for Peace sa mga programa ng NCRPO sa kanilang patuloy na tulong at kooperasyon sa pagpapanatili ng kapayapaan at kaayusan sa rehiyon.
Nagparating din si PMGen Natividad ng mensahe sa ASG na tulungan at suportahan ang bagong halal na pangulo, aniya, “Kailangan nating magsama-sama para sa nalalapit na unang SONA ng ating Pangulong Ferdinand Romualdez Marcos Jr. upang ito’y maging mapayapa at walang alalahanin.”
Ang Advocacy Support Groups for Peace ay binubuo ng Force Multipliers, Global PCR, National Coalition for IT Advocates for Change, Foreign National Keepers Network (FNKN), Alliance for Industrial Peace Program, Faith-Based, Barangay-Based, Kaligkasan, KKDAT, at LGBTQ. Ang mga pangulo ng kani-kanilang grupo ay nangakong susuportahan ang mga programa ng PNP para makamit ang isang ligtas, mapayapa at masaganang pagkakaisa.”
Source: PIO_NCRPO
###
Panulat ni PSSg Remelin M Gargantos
