Arestado ang tinaguriang Ranked 5 Most Wanted Person sa Station Level sa bisa ng pagpapatupad ng Warrant of Arrest ng mga otoridad sa Phase 2, Barangay Pinagsama, Taguig City nito lamang Linggo, ika-20 ng Oktubre 2024.
Inihayag ni Police Brigadier General Bernard R Yang, District Director ng Southern Police District, ang pagkakakilanlan ng suspek na si alyas “Lambert”, 50 taong gulang.
Naaresto ang suspek bandang 10:30 ng umaga, ng mga tauhan ng Warrant and Subpoena Unit para sa kasong Statutory Acts of Lasciviousness na may inirekomendang piyansa na Php200,000.
Ang Southern Metro Cops ay hindi titigil sa pagsasagawa ng mga operasyon upang tugisin ang mga indibidwal na may pananagutan sa batas upang mailagay sa likod ng rehas.
Source: SPD PIO
Panulat ni PSSg Remelin M Gargantos
