Arestado ng pulisya ang tinaguriang Ranked 4 Regional Most Wanted Person sa ikinasang operasyon sa Barangay San Jose, General Santos City nito lamang umaga ng Nobyembre 12, 2024.
Kinilala ni Police Colonel Nicomedes P Olaivar Jr., City Director ng General Santos City Police Office, ang suspek na si alyas “Frandin”, 45 anyos.
Inaresto ang suspek sa bisa ng Warrant of Arrest sa kasong Statutory Rape (6 Counts) na walang rekomendadong piyansa.
Naging matagumpay ang operasyon sa pagsisikap ng General Santos City Police Station 7, Regional Intelligence Division 12, 1201st Maneuver Company, Regional Mobile Force Battalion-12, City Mobile Force Company GSCPO, IDMU GSCPO, CIU GSCPO, GSCHPT, CIDG12-RSOT, RSOG 12, GENSAN Maritime Police Station at MLET Maasim (MARIG-12).
Ang Pambansang Pulisya ay patuloy na magsagawa ng mga operasyon para panagutin ang mga taong may pananagutan sa Saligang Batas.
