Camarines Norte – Arestado ang Ranked 10 Regional Most Wanted Person ng Bikol sa isinagawang Manhunt Operation ng pinagsamang mga operatiba ng Camarines Norte PNP sa Purok 1, Barangay Pagsangahan, Basud, Camarines Norte nito lamang Marso 26, 2023.
Kinilala ni PCol Antonio Bilon Jr., Provincial Director ng Camarines Norte PPO, ang akusado sa alyas na “Jojo”, 63, may asawa, driver at residente ng nabanggit na lugar.
Ayon kay PCol Bilon Jr., naaresto ang akusado bandang 4:20 ng hapon ng Basud MPS (lead unit), CIDG Camarines Norte PFU, RIU5-PIT Camarines Norte at Camarines Norte 1st at 2nd PMFC.
Inaresto ang akusado sa bisa ng Warrant of Arrest sa kasong paglabag ng Anti-Violence Against Women and Their Children Act of 2004 Sec. 5 (B) ng RA 9262 kaugnay ng Sec. 6 (A) na walang inirekomendang piyansa.
Ang PNP Bikol ay patuloy sa pagiging masigasig sa pag-aresto sa mga taong may pananagutan sa batas upang mabigyan ng karampatang hustisya ang mga taong nabiktima nito at pinapaalalahanan ang publiko na makiisa sa mga programa ng kapulisan para sa isang tahimik at ligtas na komunidad.
Source: Camarines Norte PPO
