Arestado ng mga otoridad ang Ranked 1 Baguio City Most Wanted Person dahil sa kasong panggagahasa sa UP-Drive, Military Cut-off, Baguio City nito lamang Disyembre 3, 2024.
Kinilala ni Police Colonel Ruel D Tagel, City Director ng Baguio City Police Office, ang suspekna isang lalaki, 24 taong gulang, estudyante, binata, at residente ng Purok 8, Upper Pinget, Baguio City.
Naaresto ang nasabing suspek sa pinagsamang operatiba ng Police Station 5, Baguio City Police Office, PS 2, City Intelligence Unit, City Intelligence Division Management Unit, Mobile Patrol Unit, Regional Intelligence Unit-14, at Technical Support Company, Regional Mobile Force Battalion 15.
Inaresto ang suspek sa bisa ng Warrant of Arrest sa kasong panggagahasa na walang inirekomendang piyansa.
Patuloy ang PNP sa pagsiguro ng kaligtasan ng publiko mula sa anumang uri ng kriminalidad, terorismo at insurhensiya na balakid sa pagkamit ng kaunlaran sa ating bayan.
