Oriental Mindoro – Timbog ang isang Rank No. 9 Most Wanted Person ng Aklan PPO sa isinagawang operasyon ng mga tauhan ng Mansalay Municipal Police Station sa Sitio Villarosa, Brgy. Sta. Maria, Mansalay, Oriental Mindoro noong ika-7 ng Pebrero 2023.
Kinilala ni Police Major Joel Saguid, Acting Chief of Police ng Mansalay MPS, ang suspek na may alyas na si “Jay”, residente ng Kalibo, Aklan.
Ayon kay PMaj Saguid, naaresto ang suspek sa isinagawang operasyon ng pinagsanib na puwersa ng mga tauhan ng Mansalay MPS, Aklan Provincial Police Office PIDMU Tracker Team, sa pangunguna ni Police Lieutenant Colonel Ricky Bontogon, Chief ng PIDMU, Provincial Intelligence Unit Aklan sa bisa ng Warrant of Arrest sa kasong Statutory Rape by Sexual Assault na may inirekomendang piyansa na Php200,000.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Panulat ni Patrolman Erwin Calaus
