Camarines Norte – Arestado ng Basud PNP ang isang lalaki na nakatala bilang Rank 9 Provincial at Rank 2 Municipal Most Wanted Person para sa kasong Statutory Rape sa Purok 4, Barangay Tuaca, Basud, Camarines Norte nito lamang Huwebes, Enero 19, 2023.
Kinilala ni Police Major Eva Guiruela, Chief of Police ng Basud Municipal Police Station, ang akusado na si alyas “Ricky”, 21, binata, isang manggagawa at residente ng nabanggit na lugar.
Ayon kay PMaj Guiruela, naaresto si alyas “Ricky” sa bisa ng Warrant of Arrest ng mga tauhan ng Basud MPS para sa kasong Statutory Rape sa ilalim ng Article 266-A, No. 1 (D) na may kaugnayan sa Article 266-B na walang rekomendadong piyansa para sa kanyang pansamatalang kalayaan.
Ayon pa kay PMaj Guiruela, taong 2019 nang pagsamatalahan ng suspek ang isang 12-anyos na batang babae na naganap sa bayan ng Sipocot, Camarines Sur.
Ang Pambansang Pulisya ay patuloy sa pagsasagawa ng ganitong mga operasyon upang mapagbayaran ng mga nagkasala sa batas ang kanilang ginawang kasalanan at para mabigyan ng hustisya ang mga naging biktima.
Source: Camarines Norte PPO
