Camarines Norte – Arestado ang Rank 8 Municipal Most Wanted Person sa bayan ng Vinzons sa kasong Rape sa isinagawang Charlie Manhunt Operation ng Vinzons PNP sa P-7 Barangay II Poblacion, Vinzons, Camarines Norte nitong Sabado, Disyembre 31, 2022.
Kinilala ni Police Major Arkhemedes Garcia, Chief of Police, Vinzons Municipal Police Station, ang akusado na si alyas “Puto”, 46, may asawa, isang magsasaka at residente ng Purok 3, Barangay Calangcawan Sur, Vinzons, Camarines Norte.
Ayon kay PMaj Garcia, naaresto ang akusado sa bisa ng Warrant of Arrest ng pinagsanib na tauhan ng Vinzons Municipal Police Station at Camarines Norte Provincial Intelligence Unit.
Ang suspek ay may kasong Rape through sexual assault na may piyansang Php200,000 at kasong 5 counts of Rape through sexual assault sa ilalim ng paragraph 2 ng Article 266-A ng Revised Penal Code na amended ng RA 8353 at RA 11648 at may rekomendadong piyansa na Php200,000.
Ang Pambansang Pulisya ay walang pinipiling araw o oras mahuli lamang ang mga taong nagkasala sa batas at maibigay ang hustisya sa mga taong naging biktima nito.
Source: Camarines Norte PPO
