Camarines Norte – Arestado ang Rank 8 Municipal Most Wanted Person sa bayan ng Labo sa Camarines Norte sa isinagawang Manhunt Charlie Operation ng pulisya sa Purok 5, Barangay Baay, Labo, Camarines Norte nitong Miyerkules, Pebrero 1, 2023.
Kinilala ni Police Colonel Antonio Bilon Jr, Provincial Director ng Camarines Norte Police Provincial Office, ang suspek na si alyas “Jr”, 31, binata, at residente ng Purok 1, Barangay Calabasa, Labo, Camarines Norte.
Ayon kay PCol Bilon, naaresto si alyas “Jr” sa bisa ng Warrant of Arrest para sa kasong murder ng pinagsanib na mga tauhan ng Labo MPS, Provincial Tracker Team 1st District, Camarines Norte 1st at 2nd Provincial Mobile Force Company na walang rekomendadong piyansa.
Ayon pa kay PCol Bilon, binaril umano ng suspek ang isang menor de edad na lalaki na nangyari sa Barangay Calabasa sa Labo, Camarines Norte.
Ang Pambansang Pulisya ay hindi tumitigil sa paghuli sa mga taong nagtatago sa batas upang mabigyan ng hustisya ang mga naging biktima nito.
Source: Camarines Norte PPO
