Camarines Norte – Boluntaryong sumuko ang Rank 4 Municipal Most Wanted Person ng Capalonga, Camarines Norte sa Capalonga Municipal Police Station nito lamang Huwebes, Pebrero 9, 2023.
Kinilala ni Police Major Carlos Gales, Office-In-Charge ng Capalonga Municipal Police Station, ang sumuko na si alyas “Son”, 43, residente ng Purok 1, Barangay Alayao, Capalonga, Camarines Norte.
Ayon kay PMaj Gales, si alyas “Son” ay may Warrant of Arrest para sa kasong paglabag sa Section 5 (A) ng RA 9262 o Anti-Violence Against Women and Their Children Act of 2004 na may rekomendadong piyansa na Php72,000.
Ang Pambansang Pulisya ay patuloy sa pagtugis sa mga taong may pananagutan sa batas upang maibigay sa biktima ang hustisyang nais nilang makamit.
Source: Camarines Norte PPO
