Naaresto ang isang Rank 2 Municipal Most Wanted Person sa kasong 3 Counts of Murder at 2 Counts of Frustrated Murder sa operasyon ng pulisya sa Barangay 70, Pasay City nitong ika-29 ng Hunyo 2024.
Kinilala ni Police Lieutenant Colonel Neilmar T Retana, Acting Chief ng Provincial Intelligence Unit-Samar Police Provincial Office, ang naaresto na si alyas “Ed”, 26 anyos, construction worker at residente ng Barangay Mahayag, Sta. Margarita, Samar.
Bandang 12:05 ng hapon ng maaresto si alyas “Ed” ng mga operatiba ng Provincial Intelligence Unit-Samar Police Provincial Office, kasama ang 1st Samar Provincial Mobile Force Company, Sta. Margarita Municipal Police Station, Calbayog City Police Station at Pasay City Police Station sa bisa ng Warrant of Arrest para sa kasong Counts of Murder na walang piyansa at Php200,000 bawat isa sa dalawang kasong Frustrated Murder.
Ang pagkakaaresto sa suspek ay patunay lamang na ang Pambansang Pulisya ay patuloy sa pagpapatupad ng kanilang sinumpaang tungkulin kontra kriminalidad upang mapanatili ang kaayusan at ligtas na komunidad tungo sa isang Bagong Pilipinas.
Panulat ni Patrolwoman Maurene A Kiaki
