Daet, Camarines Norte – Arestado ang isang lalaki na nakatala bilang Rank 2 Municipal Most Wanted Person para sa kasong Rape ng Daet PNP nitong Linggo ng hapon, Setyembre 18, 2022.
Kinilala ni Police Lieutenant Colonel Arnel D De Jesus, Chief of Police ng Daet Municipal Police Station, ang suspek na si alyas “Jay”, 18, binata, at residente ng Purok 5, Barangay Calasgasan, Daet, Camarines Norte.
Ayon kay PLtCol De Jesus, naaresto ang akusado dakong 2:30 ng hapon sa Purok 1, Barangay San Felipe, Basud, Camarines Norte ng mga tauhan ng Daet Municipal Police Station sa bisa ng Warrant of Arrest para sa kasong Rape na walang rekomendadong piyansa.
Ang Pambansang Pulisya ay patuloy sa pagtugis sa mga taong nagtatago at nagkasala sa batas upang mabigyan ng hustisya ang mga naging biktima ng ganitong klaseng krimen.
Source: Daet MPS
Panulat ni Pat Jomar Danao
