Pasig City – Arestado ng pulisya ang Rank 2 Provincial Most Wanted Person ng Camarines Sur na may kasong Murder noong Miyerkules, Hulyo 6, 2022 sa Pasig City, Metro Manila.
Kinilala ni Police Colonel Bernardo Perez, Provincial Director ng Camarines Sur Police Provincial Office, ang naarestong suspek na si Jeremias Palero y Claudio, 36 at tubong Pili, Camarines Sur.
Ayon kay PCol Perez, naaresto si Palero bandang 6:45 ng umaga sa Nagpayong Pinagbuhatan, Lake View Compound, Pasig City ng mga operatiba ng Pili MPS, RIU- NCR, PIU- Cam. Sur, RIU 5, District Intelligence Division, Eastern Police District at CSPPO Office Tracker Team sa bisa ng Warrant of Arrest sa kasong Murder na walang inirekomendang piyansa.
Matatandaan na si Palero ang akusado sa pagpatay kay Wilfredo Nacario noong Nobyembre 24, 2010.
Ang PRO 5 ay patuloy na magsasagawa ng mga operasyon laban sa mga Wanted Persons upang mabigyan ng hustisya ang mga naulilang pamilya ng biktima.
Source: KASUROG Bicol
###
Panulat ni Patrolman Rodel Grecia
