Arestado ng mga tauhan ng Warrant and Subpoena Unit ng Pasay City Police Station ang isang Most Wanted Person para sa kasong Sexual Assault nito lamang Biyernes, Setyembre 13, 2024.
Kinilala ni Police Colonel Samuel B Pabonita, Chief of Police ng Pasay City Police Station na si alyas “Toby,” 19 taong gulang na nakalista bilang Rank 1 Most Wanted Person sa District Level para sa buwan ng Setyembre 2024.
Naganap ang pag-aresto dakong alas- 6:00 ng gabi sa Barangay 197, Pasay City at isinilbi sa kanya ang mga Warrant of Arrest para sa 2 bilang ng Sexual Assault at 2 bilang ng Statutory Rape, bawat isa ay may halaga ng piyansa na Php120,000.
Puspusan ang manhunt operation ng SPD sa kanilang mga nakalistang Wanted Persons upang maibigay sa kanilang mga nabiktima ang hustisya at mapanatili ang katahimikan sa komunidad.
Source: SPD PIO
Panulat ni PSSg Remelin M Gargantos
