Misamis Occidental – Masigasig na nakiisa ang Revitalized-Pulis Sa Barangay sa isinasagawang daanan sa Brgy. Calube patungo sa Brgy. Macubon, Aloran, Misamis Occidental nito lamang ika-29 ng Enero 2023.
Ang aktibidad ay pinamunuan ni Police Captain Charlie Nem Tano, Overall Supervisor ng 1002nd Maneuver Company Regional Mobile Force Battalion 10 sa direktang pangangasiwa ni Police Colonel Marlon Quimno, Officer-In-Charge ng Misamis Occidental Police Provincial Office.
Tulong-tulong ang miyembro ng R-PSB sa pagsasaayos ng daan at pagsemento nito katuwang ang ilang residente ng Brgy. Macubon.
Samantala, nagbigay naman ng 40 sako ng semento ang isang residente na si Joseco Road.
Ang Pambansang Pulisya ay patuloy sa pagbibigay tulong at malasakit upang mas pagtibayin ang ugnayan ng Pulisya at mamamayan tungo sa isang maayos at maunlad na pamayanan.
Panulat ni Patrolman Jomhel Tan/RPCADU10
