Rizal – Pinangunahan ng Police Community Affairs and Development Group ang pagsasagawa ng R.E.S.E.T. M.E. o Resilient and Empowered Society through Engaged Transformation of Mind and Emotion Seminar/Workshop sa mga kababaihang pulis katuwang ang PNP Officers’ Ladies Club na ginanap sa Emotional Reset Center, San Mateo, Rizal nito lamang ika-20 ng Marso 2023.
Ang aktibidad ay dinaluhan ng nasa 30 na mga Juanang Pulis na nakatalaga sa iba’t ibang istasyon na humahawak sa mga kasong may kaugnayan sa Violence Against Women and their Children (VAWC) mula sa NCRPO, PRO 1, 3 at 4A.
Ang R.E.S.E.T. M.E. Seminar/Workshop ay matagumpay na naisakatuparan sa pagsisikap ni Ginang Mary Grace L Azurin, Adviser ng PNP OLC at maybahay ng Hepe ng Pambansang Pulisya kasama ang mga kasamahan nito sa PNP OLC bilang pakikiisa selebrasyon ng National Women’s Month.
Naging kahalili ng PCADG at PNP OLC, si Dr. Maria Bryce Fabro, Founder at Managing Director ng Emotional Reset Center bilang organizer at facilitator.
Sa isang araw na interactive workshop para sa mga kalahok ay nagkaroon ng aqua therapy, yoga, life stages session at photo therapy bilang bahagi ng guidance counselling.
Layunin ng aktibidad na mapabuti ang emotional welfare at state of mind ng mga kalahok para sa isang holistic balanced life at makamit ang tinatawag na self-love.
Isinusulong ng PNP ang pangangalaga sa kapakanan ng bawat Juanang Pulis lalong-lalo na sa mental at emotional na aspeto nito, dahil ang mga kababaihan ay may malaking ginagampanang papel sa komunidad at sa ating bansa.
