Bulacan – Nabiyayaan ng bagong wheelchair ang isang Person with Disability ng programang “Gulong ng Suerte” ng NCRPO Regional Mobile Force Battalion nito lamang Sabado, Abril 16, 2022.
Ito ay pinamunuan ni Police Colonel Lambert Suerte, Force Commander ng RMFB sa pangunguna ni Police Major Edgardo Tigbao, Chief, BCAS kasama si Police Lieutenant Edmundo Benitez, Deputy Chief ng BCAS-F5 at mga tauhan ng RDC 1.
Ang benepisyaryo ay si Ginang Dorothy Elen Ventura, 64, na na-stroke mula noong 2005.
Personal na inihatid ang brand new wheelchair kay Ginang Ventura at binigyan din siya ng foodpacks para sa kanyang pamilya sa Kalye Pinagpala Purok 2, Abulalas, Hagonoy, Bulacan.
Naging matagumpay ang proyektong ito sa pamamagitan ng walang patid na suporta mula sa iba’t ibang Rotary Club na laging tumulong sa mga nangangailangan.
Sabi nga nila, “Magtrabaho nang Maayos at Tama, Isapuso ang Disiplina.”
Source: RMFB NCRPO
###
Panulat ni PSSg Remelin Gargantos
